Экоакцияға үн қосты

Ел Президенті Қасым-Жомарт Тоқаевтың «Таза Қазақстан» жалпыұлттық бастамасы асында Amanat партиясының Теміртау қалалық филиалының қызметкерлері тазалық акциясына шықты. Белсенді азаматтар 8 ықшамауданның шеткі бөлігіндегі аумақты күл-қоқыстан тазартты.

— Біз, теміртаулықтар мемлекет басшысының «Таза Қазақстан» бағдарламасы аясында қабылданған партиямыздың «Таза бейсенбі» акциясына үн қосып, тазалық шарасын өткізуге келіп отырмыз. Партияластармен бірге қала сыртын жинастырып, табиғаттың еркін тыныс алуына жағдай жасаймыз, — дейді Amanat партиясы Qarmet филиалының төрағасы Нұргелді Омарханов.
Экологиялық акцияға Amanat партиясының Теміртау қалалық филиалының қызметкерлері, қалалық мәслихат депутаттары, партияның белсенді мүшелері, қала жастары, жасыл ел сарбаздары қатысты.

Өз тілшімізден.