Қарағанды облысында Жеңіс күніне орай ҰОС ардагерлеріне 2 миллион теңге берілмек

Бүгінгі таңда Қарағанды облысында 12 ҰОС ардагері тұрады. Олардың барлығы Жеңіс күніне 2 млн теңгеден алады.

Сондай-ақ жеңілдіктер мен кепілдіктер бойынша ҰОС қатысушылары мен мүгедектері санатына 3219 адам теңестірілді. Оның ішінде 10 Ленинград блокадасы, 34 концлагерь тұтқындары, қайтыс болған ҰОСҚ мен ҰОСМ 135 әйелі және 3040 тыл еңбеккері бар.

Біржолғы материалдық төлем келесі санаттағы азаматтарға қарастырылған:

— концлагерь тұтқындарына – 200 мың теңгеден;

— ҰОС жылдарында қаза тапқандардың (қайтыс болғандардың) жесірлері мен әйелдеріне – 50 мың теңгеден;

— Қоршаудағы Ленинград тұрғындарына – 200 мың теңгеден.;

— «ҰОС жылдарындағы қажырлы еңбегі үшін» медалімен марапатталған тыл еңбеккерлеріне – 100 мың теңгеден;

– 1941 жылғы 22 маусымнан 1945 жылғы 9 мамырға дейін кемінде алты ай жұмыс істеген (қызмет еткен) және бұрынғы КСРО ордендерімен және медальдарымен наградталмаған адамдарға – 100 мың теңгеден.

Жалпы, Қарағанды облысының қалалары мен аудандарының бюджетінен Жеңіс күнін мерекелеу қарсаңында 3231 адам төлем алады.

Облыс өңірлерінде ҰОС қатысушылары шағын және орта бизнес объектілеріне бекітілді.

9 мамыр қарсаңында ардагерлерге және бюджеттен тыс көздерден материалдық көмек төлеу жоспарлануда. Қайырымдылық акциялары да қарастырылған.

Қарағанды облысының жұмыспен қамтуды үйлестіру және әлеуметтік бағдарламалар басқармасының ақпараты бойынша