Спорттық гимнастика және акробатика сабақтарына арналған залға қатысты дау талқыланды

8 тамызда Теміртау қаласының әкімдігі спорттық гимнастика және акробатика сабақтарына арналған зал жағдайын талқылау үшін ата-аналар қоғамының өкілдерімен, жаттықтырушылар құрамымен және облыстық спорт мектебінің басшылығымен кездесу өткізді. Өкінішке қарай, кездесуге «Қарағанды облысының гимнастика федерациясы»ҚБ федерациясының өкілдері келмеді.

Спорттық гимнастика және акробатика секциясы 2021 жылдан бастап «Жастар» жүзу бассейнінде уақытша шұғылданған болатын, бірақ үй-жайды жалға алу шарты 2022 жылы аяқталды. Жүзу бассейнінің басшылығы шартты тағы бір жылға ұзартты. Десе де ағымдағы жылдың шілдесінде залды босату қажеттілігі туралы хабарлама жіберді. Осылайша, федерация бұл мәселені шешу үшін шаралар қабылдаған жоқ.

Бүгін кездесуде спорт секциясын қайта орналастырудың барлық мүмкін нұсқалары талқыланды. Тәрбиеленушілердің, жаттықтырушылардың, облыстық спорт мектебінің және жергілікті атқарушы органның ата-аналарының қатысуымен жұмыс тобы құрылды. Айта кетейік, бұл мәселемен 2021 жылдан бастап осы уақытқа дейін федерация, спорт мектебі және жаттықтырушылар құрамы Теміртау қаласының әкімдігіне ресми түрде жүгінген жоқ.

Теміртау қаласының әкімі Ораз Таурбеков мәдениет және спорт бөліміне келесі жылы спорттық гимнастика және акробатика секциясын, сондай-ақ жеке үй-жайға мұқтаж басқа да спорт түрлерін қабылдай алатын әмбебап спорт кешенін салу мүмкіндігін қарастыруды тапсырды.

Қала әкімінің баспасөз қызметі.